ပျံလွန်တော်မူသွားရသည့် သံဃာတော်တွေရဲ့ ရုပ်ကလာပ်တွေကို နအဖ ဖျောက်ဖျက် နေပြီ
စက်တင်ဘာ ၂၈ ရက် ၂၀၀၇
နအဖ လက်ကိုင်ဒုတ်များ ပစ်ခတ်၊ ရိုက်နှက် သတ်ဖြတ် မှုကြောင့် ပျံလွန်တော်မူ ခဲ့ရသည့် သံဃာတော်များ၏ ရုပ်အလောင်းများအား ဖျောက်ဖျက် နေကြောင်း ရန်ကုန်မှ ပေးပို့လာသည့် သတင်းများ အရ သိရှိရပါသည်။
ကားနံပါတ် (စ/၇၂၇၀) ဒိုင်နာ အမျိုးအစား မော်တော်ကားဖြင့် အလောင်းများကို သယ်ယူသွားပြီး ရန်ကုန်မြစ်ထဲမျှောချလိုက်ကြောင်း မျက်မြင်သက်သေများမှ အတည်ပြုပြောကြားလိုက်ပါသည်။ ဆုံဆည်းရာမှ ၂၈ ရက်နေ့က တင်ခဲ့သည့် သတင်းဖြစ်ပါသည်။ အခု ဓါတ်ပုံက ၃၀ ရက်နေ့မှာ ရန်ကုန်မြစ်ထဲက သံဃာတော်အလောင်းများ တွေ့ရှိရတာ ဖြစ်ပါတယ်။ ဗွီဒီယိုကိုတော့ www.abcnews.go.com (ကြည့်ရှုလိုပါက နှိပ်ပါ) မှာ သွားရောက် ကြည့်ရှု နိုင်ပါတယ် ခင်ဗျား.... ဆုံဆည်းရာ
Sunday, September 30, 2007
ရန်ကုန်မြစ်ထဲတွင် မျှောနေသည့် သံဃာတော် အလောင်း (အောက်တိုဘာ ၁ ရက် ၂၀၀၇)
ရှေ့ခြေလှမ်းကိုသာ စဉ်းစားကြစို့
ဒီနေ့ ဗမာပြည်ရဲ့နိုင်ငံရေး ဇာတ်ခုံပေါ်မှာ မျက်နှာဖုံးတွေချွတ်။ သံချပ်အကာတွေဝတ်လို့ ကျားနဲ့ဆင်လယ်ပြင်မှာ တွေ့ကြပြီ ဖြစ်ပါတယ်၊
နင်တန် နင်တန် ပန်းကန်ကွဲဆိုသူတွေ။ နအဖပေးသလောက်ကို အရင်ယူထားပါဆိုသူ တွေ။ ညောင်နှစ်ပင်ကို အောင့်ကာနမ်းထားပါဆိုသူတွေ ကြက်ပျောက်ငှက်ပျောက် ပျောက်ကုန် ကြပြီ။ တကယ့်မင်းသားနဲ့ တကယ့်ဘီလူးတို့ ချကြတော့မှာမို့ လူပြက်တွေ ကားလိပ်ကြားထဲ ရောက်ကုန်ကြတာဖြစ်တယ်။ အခုဟာက နတ်ဓားတွေ။ ဇာတ်ဓားတွေနဲ့ ခုတ်တာမျိုးမဟုတ်ဘူး၊ တကယ့်ဓား၊ တကယ့်လှံတွေနဲ့ ချကြတော့မှာ။
ကံ့ဖွတ်တွေ၊ စွမ်းအားရှင်တွေတောင်မှ ကာလတခုအားဖြင့်တော့ ၀ပ်သွား၊ အမြီးကုတ် သွားပြီ။
တလျှောက်လုံးသူကချည့် တဖက်သတ်ထိုးစစ်ဆင်ခဲ့တဲ့ နအဖဟာ ခံစစ်ဘ၀ရောက်စပြု နေပြီ၊ အနည်းဆုံး နိုင်ငံရေးအရတော့ ခံစစ်လုံးလုံးဖြစ်သွားပြီ၊ ဒါကြောင့်နအဖဟာ လက်နက်ကုန် ထုတ်သုံးဖို့ပြင်လာတယ်၊ သူစုဆောင်းလို့ရသမျှ အင်အားတွေ အားလုံး ဆွဲခေါ်နေတယ်၊ မဆလ ဖိုင်တွဲစင်ပေါ်မှာ ဖုံတင်၊ ပင့်ကူမြှင်ယှက်နေတဲ့ သခင်တင်မြ။ ဦးချစ်လှိုင်စသူတွေကို ဖုတ်ဖက်ခါ ပွဲထုတ် လာတယ်။ နောက်တန်းကိုပြန်ခေါ်ပြီး ကျပ်ပူထိုးပေးနေရတဲ့ ကြံ့ဖွတ်တွေ။ စွမ်းအားရှင် တွေကို ဘယ်တော့မန်းမှုတ်ပြီး တွန်းပို့အုန်း မလဲ မသိဘူး၊
တကယ်က နိုင်ငံတနိုင်ငံမှာ သံဃာတော်တွေတောင် အရိုက်အနှက်ခံကြရတယ်။ ဘုရားသားတော်များကအစ ဆန္ဒပြ ကြတယ်။ ဆိုတာတွေဟာ မကောင်းတဲ့ကိစ္စတွေပဲ၊ ဒါပေမဲ့ အခုတော့ ဒါမျိုးတွေပေါ်လာတာကိုပဲ ဒီနိုင်ငံသားတွေဟာ ၀မ်းသာ အားတက်နေကြတယ်၊ လမ်းဘေးက ဒကာ။ ဒါယကာမတွေဟာ ဆန္ဒပြသံဃာတော်များကို ကန်တော့ရင်း လက်အုပ်ချီ ထားတဲ့ လက်ဖမိုးတွေအပေါ်မှာ ၀မ်းသာမျက်ရည်တွေ တပေါက်ပေါက်ကျနေတယ်၊ လူတွေဟာ အလုပ်ပျက်။ အကိုင်ပျက်ဖြစ်ရတာကို ကျေနပ်နေကြတယ်။ ဒါတွေဟာ ဘာကြောင့်လဲလို့ ဒီနိုင်ငံက ဘယ်သူ့ကိုပဲမေးမေး လူတိုင်းက “၁၉ နှစ်ရှိပြီ”လို့ တညီတညွတ်တည်း ဖြေကြမှာ။
ပြန်ကြည့်လိုက်ရင် အတိုက်အခံတွေဘက်က တလျှောက်လုံးတင်လာတာဟာ နှစ်ဘက် တွေ့ဆုံဆွေးနွေးရေးပဲ၊ ဒါကို န၀တ- နအဖတို့က မသိကျိုးနွံပြုပြီး အတိုက်အခံတွေကို တဘက် သတ် လက်နက်ချခိုင်းနေတယ်။ (၁၉၄၈ခုနှစ်က စတင်ဖြစ်ပွားခဲ့တဲ့ ပြည် တွင်းစစ်မှာလည်း ဒီလိုပဲ တဘက်က တွေ့ဆုံဆွေးနွေးရေး တင်နေရက်နဲ့ စစ်အုပ်စုနဲ့ အဲဒီတုန်းကတသားတည်း ဖြစ်နေတဲ့ ဆိုရှယ်လစ်ပါတီအုပ်စုက အပြုတ်တိုက်ရေးနဲ့ လက်နက်ချရေးပဲ ကြွေးကြော်ခဲ့တာကို သတိရ စရာဖြစ်တယ်)၊ နအဖဘက်က တွေ့ဆုံဆွေးနွေးတာ မလုပ်ပဲ သူတို့ရဲ့လမ်းပြမြေပုံအတိုင်း ဆက်သွားနေလို့ကတော့ လူထုဆန္ဒပြပွဲတွေ မရပ်မစဲ။ တခြိမ်းခြိမ်း ဖြစ်နေအုန်းမှာပဲ။ အစပြုတာဟာ လောင်စာဆီကိစ္စ၊ ကုန်ဈေးနှုန်းကိစ္စ၊ စာမေးပွဲကိစ္စ၊ အမျိုးမျိုးဖြစ်နိုင်တယ်။ ဒါပေမဲ့ နောက်ဆုံး ကျရင်တော့ စစ်အာဏာရှင် စနစ်ဖျက်သိမ်းရေး၊ ဒီမိုကရေရရှိရေး တိုက်ပွဲကြီးတွေအဖြစ် အသွင် ပြောင်းသွားတော့တယ်၊ လမ်းအားလုံးဟာ ရောမမြို့ကြီးကို ဦးတည်နေတယ်ဆိုတာလိုပဲ။ နိုင်ငံရေး ပါးဝလှတဲ့ ဗမာပြည်သူတွေဟာ အပေါ်ယံဖော်ပြတာရော၊ အောက်ခံအကြောင်းရင်းကိုပါ ကောင်းကောင်းမြင်နိုင်စွမ်းရှိတယ်။
အခုဆိုရင် တိုက်ပွဲဝင်နေသူတွေရော၊ မ၀င်သေးတဲ့လူတွေအပါ၊ သံဃာ၊ ကျောင်းသား၊ ၀န်ထမ်း၊ စစ်သား၊ အားလုံးဟာ ကြွေးကြော်သံအမျိုးမျိုးကို တင်လာစပြုနေကြတယ်။ ဘာပဲပြော ပြော နအဖနဲ့အတိုက်အခံတွေ့ဆုံဆွေးနွေးရေး ဆိုတာကိုတော့ နအဖကလွဲရင် ဘယ်သူမှ မငြင်းပယ်ကြဘူး။ ကြွေးကြော်သံကိုသာ ထုတ်ထားပြီး အဲဒါကို အကောင်အထည်ပေါ်အောင် ဘာမှမလုပ် ရင်တော့ ဆန္ဒပါသည်ဖြစ်စေ၊ မပါသည်ဖြစ်စေ၊ ဒါဟာ သင်္ကြန်အမြောက်ဖြစ်နေမှာပဲ။ လမ်းစဉ်တရပ်ချပြီးပြီဆိုရင် အဲဒါကို အကောင်အထည်ဖော်ရမယ်။ ကိုယ့် ကေဒါတွေကို အောက်ခြေ အထိ စွမ်းစွမ်းတမံ အကောင်အထည်ဖော်ခိုင်းရမယ်။ ကိုယ့်ပတ်ဝန်းကျင်မှာ တိုက်ပွဲရယ်လို့ ပေါ်လာရင် ဘယ်လိုပေါင်းစပ် ပါဝင်ရမလဲ စဉ်းစားရမယ်။
ဒီနေ့မှာ တိုက်ပွဲကိုဘယ်လိုဆက်လက်သယ်ဆောင်ရမလဲ၊ နအဖက အကြမ်းဖက်ဖြိုခွဲ လာရင် ဘယ်လို လုပ်မလဲစတာတွေကို စဉ်းစားရတဲ့အချိန်ရောက်နေပြီ။ သံဃာတော်တွေ ဒါလောက်လမ်းပေါ်တက်နေလှုပ်ရှားနေတာ လူတွေဘာလို့ မပါဝင်သေးတာလဲလို့ မေးကြတာ လည်း မနည်းဘူး။ ဒီလိုဖြစ်ရတာရဲ့ အဓိကအကြောင်းရင်းတခုက လူတွေကို စည်းရုံးရှေ့ဆောင် မယ့်လူ၊ ဒါမှမဟုတ် အဖွဲ့ အစည်းမရှိသေးတာပဲ။ သံဃာဆိုတာက ဘာပဲပြောပြော သူ့စာသင်တိုက်၊ သူ့ကျောင်း စသဖြင့် စည်းရုံးဖွဲ့စည်းမှုလေးတွေ ရှိပြီးသားလိုဖြစ်နေတယ်။ လူထုမှာတော့ တက္ကသိုလ်တွေကလဲ ကွဲကြဲ၊ မြို့စွန်မြို့ဖျားရောက်နေကြတယ်။ ကိုမင်းကိုနိုင်တို့လို လူတွေကိုဖမ်း၊ မမိသေးသူတွေလဲရှောင်တိမ်းနေကြရလို့ မင်းလောင်းမျှော်ရမလိုလိုဖြစ်နေတယ်။ သံဃာတော်တွေ နောက်က လိုက်ဖို့ပဲရှိသလိုလိုဖြစ်နေတယ်။ ဒါပေမဲ့ ဒါဟာယာယီပဲဖြစ်မယ်။ လူထုဟာ ခေါင်းဆောင်မယ့်လူမရှိရင် သူတို့ဖာသာခေါင်းဆောင်ရှာ ခေါင်းဆောင်တင်ပြီး တိုက်မှာ၊ စိတ်ချ။
နအဖကိုစေ့စပ်ရေးစာပွဲဝိုင်းပေါ်ရောက်အောင် ဘယ်လိုလုပ်မလဲ။ ကြေငြာချက်ထုတ်တာ လောက်နဲ့ စစ်ဗိုလ်ချုပ်တွေ စာပွဲဝိုင်း ဆီကိုရောက်လာမလား။ ကမ္ဘာ့အ၀န်းအ၀ိုင်းကပြောရုံနဲ့ အတိုက်အခံတွေနဲ့ တွေ့ဆုံစကားပြောပါ့မလား၊ ၁၉ နှစ်ကျော် အတွေ့ အဿကံက ဒါကို စိတ်ကူးယဉ်နေလို့မရကြောင်း ရှင်းရှင်းလင်းလင်းပြသပြီးပြီ။
ရန်သူနဲ့ စေ့စပ်ဆွေးနွေးတယ်ဆိုရင် ကိုယ့်အင်အားကို ရန်သူကမြင်မှ ကိုယ့်ကို လေးလေး စားစားဆက်ဆံမှာဖြစ်တယ်၊ ကိုယ့် စကားကို အလေးထားနားထောင်မှာဖြစ်တယ်။ ဗိုလ်ချုပ် အောင်ဆန်းနဲ့ ဖဆပလအဖွဲ့ကြီးက ဗြိတိသျှကိုလိုနီနဲ့ လွတ်လပ်ရေးရဖို့ ဆွေးနွေးတာ အောင်မြင် ရတဲ့ အကြောင်းရင်းမှာ အမျိုးမျိုးသောသပိတ်ကြီးတွေနဲ့ ဗမာပြည်သားတွေဟာ တစိတ် တ၀မ်းတည်းရှိကြောင်း၊ လွတ်လပ်ရေးကို မရ ရတဲ့နည်းနဲ့တိုက်ယူမှာဖြစ်ကြောင်း ပိုင်းဖြတ်ချက် တွေ ဖော်ပြနေတာဟာ အဓိကဖြစ်တယ်။ အဲဒီတုန်းက သပိတ်တွေသာမက ပျဉ်းမနားက လယ် သမားသူပုန်၊ ထန်းတပင်က ဆန်လုပွဲစတဲ့ အင်္ဂလိပ်အုပ်စိုးမှုကို ခပ်ကြမ်းကြမ်း ဆန့်ကျင်ပြတာ တွေလည်းရှိတယ်။ နောက်ပြီး ပြည်သူ့ရဲဘော်၊ တပ်နီစတဲ့ လက်နက်ကိုင်နိုင်အောင် လေ့ကျင့်တဲ့ အဖွဲ့တွေကလည်း မြို့ကြီးတွေမှာ ရင်ကော့စစ်ရေးပြနေကြတာ၊ သာမန်လူထုထဲမှာကိုပဲ အလေးမ တာ၊ ကာယဗလလေ့ကျင့်တာ၊ လက်ဝှေ့ထိုးတာတွေ ခေတ်စားနေတာ၊ ဒါတွေအားလုံးဟာ ဒုတိယ ကမ္ဘာစစ်ဒဏ်ကြောင့် နှာနှပ်ပြီးထ’လာတဲ့ လန်ဒန်ကခေါင်းဆောင်တွေကို ဗမာ လူထုက စစ်ရေးနဲ့ပါ ခြိမ်းခြောက်နေတာဖြစ်ပါတယ်။ တကယ်ကျ အင်္ဂလိပ်က လန်ဒန်စားပွဲဝိုင်းမှာ ကိုယ်တင်ပြတာက ကျိုးကြောင်းဆီလျော်မှုရှိတာသက်သက်ကြောင့်မဟုတ်ဘူး၊ လူထုအင်အားသာ မပြနိုင်ရင် ဘာတွေ ဘယ်လိုပြောလို့မှ မရဘူးပဲ။
တရုတ်ပြည်ကို ဂျပန်က ကျူးကျော်တော့ ချန်ကေရှိတ်အစိုးရဟာ ဂျပန်ကိုမတိုက်ပဲ အီးယောင်ဝါးလုပ်နေတယ်။ ဒါ့အပြင် ပြည်တွင်းစစ်ကိုပဲ မဲတိုက်နေတယ်။ ဒီအခါမှာ ချန်ကေရှိတ်ကို ဖက်ဆစ်ဂျပန်တွန်းလှန်ရေး ဆွေးနွေးတဲ့ စားပွဲဝိုင်းရောက်လာဖို့အတွက် ကွန်မြူနစ်တွေဟာ လူထုနည်းနဲ့ ဆန္ဒပြပွဲကြီးတွေကျင်းပ၊ ချန်ကေရှိတ်ရဲ့ တပ်ထဲက ဗိုလ်ချုပ်ကြီးနှစ်ယောက်ကို ဖဲ့ထုတ်ဖိအားပေးတော့မှ ချန်ကေရှိတ်ဟာ စားပွဲဝိုင်းကိုရောက်လာတဲ့ အဖြစ်အပျက်ရှိဖူးတယ်။
နအဖခေါင်းမာတာ ဗြိတိသျှကိုလိုနီ၊ ချန်ကေရှိတ်၊ စသူတွေထက် မလျော့ပါဘူး။
ဒါကြောင့် ဗမာပြည်မှာ ဒီနေ့ပေါ်ပေါက်နေတဲ့ ဆရာတော်သံဃာတော်များနဲ့ လူထုတွေရဲ့ တိုက်ပွဲတွေဟာ မူသဘော တရားအရ မှန်ကန်မက နည်းနာအားဖြင့်လည်း မှန်ကန်တယ်။ အခြေအနေရဲ့လိုအပ်ချက်အရ သဘာဝကျစွာ ပေါ်ပေါက်လာတာ ဖြစ်တယ်။ အခုအခါမှာ ဒီတိုက်ပွဲ တွေ ပေါ်ပေါက်တာမှန်သလား၊ မှားသလား၊ တခြားနည်းနဲ့ တိုက်ရင်မဖြစ်ဘူးလား စသဖြင့် ငြင်းခုံ နေဖို့မလိုတော့ဘူး။ အခုဆက်ပြောကြ၊ ဆွေးနွေးကြရမှာဟာ တိုက်ပွဲကို ဘယ်လို ဆက် သယ်ဆောင်မလဲ၊ ပြည်သူလူထုကြီး တရပ်လုံး ပါလာအောင် ဘယ်လိုလုပ်မလဲဆိုတာပဲ။
ဗသြ
Saturday, September 29, 2007
တို့ဗိုလ်ချုပ်ကမှာခဲ့တယ် ရရင်ရ မရရင်ချတဲ့ ကဲအခုရပြီးလား မရသေးရင်တော့ ချဖို့ပဲရှိတော့တယ်
ဒီဗွီဘီမှ ကူးယူဖော်ပြသည်။ (photo by DVB)သံဃာထုရဲ့ သစ္စာအဓိဌာန်
“သံဃာထုတရပ်လုံး၏ ပတ္တနိက္ကုဇ္ဇနကံဆောင်မှုသည် ဗုဒ္ဓ၏ဓမ္မစက်အာဏာ အစစ်အမှန်ဖြစ်သည်။ ဒီကံကိုဆောင် ကြတဲ့ သံဃာထုသည်လည်း ဗုဒ္ဓ၏သားတော်များအစစ်အမှန်များ ဖြစ်ကြသည်။ ဤမှန်ကန်သော သစ္စာစကား ကြောင့် … ဗုဒ္ဓသားစစ်ဖြစ်တဲ့ သံဃာထုတရပ်လုံးနဲ့ ဗုဒ္ဓထားတော်မူခဲ့တဲ့ အာဏာနဲ့ သာသနာတော်ကို ဖျက်ဆီး စော်ကားနှိပ်စက်နေကြတဲ့ ဆန့်ကျင်မျက်ကွယ်ပြုသူများ အာဏာရှင်မာန်နတ်အားလုံးကို ဗုဒ္ဓရဲ့ဒဏ်၊ သာသနာ တော်ရဲ့ဒဏ်၊ သံဃာ့ကံရဲ့ဒဏ်၊ ဓမ္မစက်ရဲ့ဒဏ်၊ ပြည်သူများရဲ့ဒဏ်၊ မေတ္တာတရားရဲ့ဒဏ်၊ သာသနာစောင့်နတ် အပေါင်းတို့ရဲ့ဒဏ် အပေါင်းကို လက်ငင်းမကြာ ချက်ချင်းခဏ ဒိဌဓမ္မ ရင်ဆိုင်ခံစားကြစေသောဝ်”
ယာတောကသဗြော၏အမြင်
ကိုဟိုဒင်းရေ ………
လူကိုခွေးသတ်တာသာမက သံဃာကိုခွေးသတ်တာပါ ကျနော်တို့တွေ့နေကြရပါပြီ။ ဗမာပြည်သမိုင်းမှာ အဆိုး ဆုံးအဖြစ်ကို ကျနော်တို့မျက်မြင်ကိုယ်တွေ့ရင်ဆိုင်နေရတာပါလားဗျာ။ ဒါဗမာနိုင်ငံမှဟုတ်ပါလေစ၊ ၂၁ရာစု မှ ဟုတ်ပါလေစလို့ ကိုယ့်ကိုယ်ကို အကြိမ်ကြိမ်ပြန်မေးနေမိတော့တယ်။
အင်္ဂလိပ်ကိုလိုနီအစိုးရလက်ထက် ၁၉၃၆ခုနှစ်၊ မန္တလေးအာဇာနည်(၁၇)ဦးအရေးအခင်းမှာ သံဃာကိုပစ်သတ် တယ်ဆိုတာရှိခဲ့ဘူးတယ်။ ဒါပေမဲ့ အဲဒါက ကိုလိုနီအစိုးရ၊ ဘာသာမတူ၊ လူမျိုးကွဲပြား၊ တခြားနိုင်ငံကလာတဲ့ နယ်ချဲ့တွေ။ နောက်ပြီး ဂျပန်ဖက်ဆစ်ကာလတုန်းက သံဃာတော်တွေကို ရိုက်တယ်နှက်တယ်ဆိုတာရှိခဲ့ဖူး တယ်၊ ဒါဟာလည်း ဓလေ့ထုံးစံမတူ၊ လူမျိုးကွဲပြားတဲ့ တိုင်းတပါးကဖက်ဆစ်တွေ။
အခုတော့ ရိုင်းပလေ့ဗျာ ……. ရာဇ၀ရ်ိုင်းပလေ။
ရွှေတိဂုံကုန်းတော်ပေါ်မှာ စစ်ဖိနပ်တွေ တခွပ်ခွပ်နဲ့တဲ့။ ရှေးခေတ်က ဗမာအမျိုးသားတွေ အင်္ဂလိပ်ကိုလိုနီနဲ့ ရင်ဆိုင်ခဲ့ကြတာကို မကြားဖူးကြလေရော့သလား။ ရွှေတိဂုံကုန်းတော်ပေါ်မှာ ဖိနပ်မချွတ်တဲ့ အင်္ဂလိပ်ကို အသေခံပြီး ဓားနဲ့ခုတ်ခဲ့တာလေ။ ကျနော်တို့နိုင်ငံသားတွေ၊ ဗုဒ္ဓဘာသာဝင်တွေအနေနဲ့ ပြင်းပြင်းထန်ထန်တိုက်ပွဲ ဆင်ခဲ့ရတဲ့ သမိုင်းရှိခဲ့ပါတယ်။ အဲဒီတုန်းက သတင်းစာတွေ၊ ဇာတ်သဘင်တွေအပါ ဒီကိစ္စကိုအပြင်းအထန် ဆန့်ကျင်ကြလို့ တနိုင်ငံလုံးဆိုင်ရာ အမျိုးသားရေးလှုပ်ရှားမှုကြီးဖြစ်ခဲ့တယ်။ ဒါဟာမဝေးလှသေးတဲ့ သမိုင်း၊ စာနဲ့ ပေနဲ့ ဓါတ်ပုံအထောက်အထားနဲ့ကိုရှိတဲ့ သမိုင်းဖြစ်ပါတယ်။ ဒါနဲ့တောင်မှ အခုကိုယ့်နိုင်ငံသားက တိုင်းတပါးသားထက်တောင်ပိုမိုက်ရိုင်းတာ တွေ့နေရပါရော့လား။ ကိုဟိုဒင်းရေ၊ ခင်ဗျားလည်း ကျနော်လိုပဲနေမှာပါ၊ အခုအခါမှာ ရေဒီယို အင်တာနက်တွေရှေ့မှာထိုင်ပြီး လူဟာတုန်ရီနေအောင် ဒေါသတွေဖြစ်နေရတယ်။ ခင်ဗျားဆီကိုရေးတဲ့ဒီစာမှာ ဒေါသသံများပါသွားရင်လည်း ခွင့်လွှတ်ပါ။ ဒီအချိန်ဟာ ကျနော်တို့နိုင်ငံသားတွေ တကယ့်ကိုကြိတ်မနိုင်ခဲမရ ဒေါသတွေဖြစ်ကြ မျက်ရည်တွေကျကြတဲ့အချိန်ပါ။
ပြောလို့ပြောတာမဟုတ်ပါဘူးဗျာ။ ကျနော်တို့နိုင်ငံက သံဃာတော်တွေလောက် ကိုယ်ကျိုးစွန့်တဲ့၊ နိုင်ငံနဲ့အမျိုး သားကို ချစ်မြတ်နိုးတဲ့ သံဃာတော်၊ ဒါမှမဟုတ် တခြားဘာသာရေးဝန်ထမ်း ဘယ်နိုင်ငံမှာမှ မရှိဘူးလို့ခံစားမိပါ တယ်ဗျာ။ တဦးစ၊တဖွဲ့စတော့ ရှိနိုင်လောက်ပါတယ်။ ဒါပေမဲ့ အခုလို သောင်းလိုက်၊ သိန်းလိုက်ပရိတ်ရွတ်၊ မေတ္တာပို့ပြီး သေနတ်ပြောင်းတွေကို ထိပ်တိုက်ဝင်တိုးတဲ့ သာသနာ့ဝန်ထမ်းမျိုး ကြားတောင် မကြားဖူးပါဘူးဗျာ။ သူတို့ကိုကြည့်ပြီ ဒါယိကာ၊ ဒါယိကာမတွေ မျက်ရည်ကျကြတာလည်း သဘာဝကျပါတယ်။ ကျနော်တို့တောင်မှ တွေးလိုက်ရင် ရင်ထဲမှာဆို့နင့်နင့်ကြီးခံစားရတာ မဟုတ်လား။
ရဲဘော်ကြီးမှတ်မိမှာပါ၊ ဂဠုန်ဆရာစံကို ဂုဏ်ပြုတဲ့လေးချိုးကြီးမှာ ဆရာကြီးသခင်ကိုယ်တော်မှိုင်းက ‘ရဂုံချစ်စရာ တပည့်တို့မှာဖြင့်၊ ဥုံအရဟံ သစ္စာကတိတွေနဲ့၊ ဂဠုန်သရဏံဂစ္ဆာမိကြပေတော့’ လို့ အင်မတန် စိတ်အားကြွစဖွယ် ရေးခဲ့တာလေ။ ဒါဟာ ရတနာသုံးပါးကို ဦးထိပ်ထားကြောင်း ဘုရားစာထဲက စာကြောင်းကို အင်မတန်ပြောင်မြောက်စွာပြင်ပြီး ကိုယ်တော်မှိုင်းဟန် ပြုထားတယ်ဆိုတာ လူတိုင်းသိပါတယ်။ ဒါကိုအခုတော့ ကျနော်တို့က သူ့မူရင်းအတိုင်း သံဃာ သရဏံဂစ္ဆာမိ ပြန်ဆိုကြ ရွတ်မိကြပါတယ်။ ဒါပေမဲ့ ကိုဟိုဒင်းရေ၊ အခု အဲဒီရတနာသုံးပါးထဲက တပါးကို စစ်ဖိနပ်တွေနဲ့ကန်လားကန်ရဲ့၊ ခေါင်းရိုက်လားရိုက်ရဲ့။ ဗမာစကားမှာ ဘုန်းကြီးခေါင်း ခေါက်ပြီးကန်တော့တယ်ဆိုတာ မှတ်မိတယ်မဟုတ်လား။ နအဖကတော့ ဘုန်းကြီးခေါင်းကို လှိမ့်ကန်ပြီးတာတောင် ဘုန်းကြီးကို ပြန်ဝန်ချတောင်းပန်ခိုင်းနေလေရဲ့ဗျာ။ နောက်ပြီး မြို့လည်ခေါင်က လမ်းမကြီးတွေပေါ်မှာ သံဃာတော်တွေကို အမဲပစ်သလို စိမ်ပြေနပြေပစ်သတ်နေတာကရော ဒီကောင်တွေကို ရာသက်ပန် ပတ္တနိက္ကုဇ္ဖန ကံဆောင်ရမယ်။
ပြောရရင် ကျနော်တို့ဒီနေ့ရင်ဆိုင်နေရတဲ့ ဖိနှိပ်သူတွေ၊ ကျနော်ကတော့ ရန်သူလိုပဲ တည့်တည့်ခေါ်မယ်ဗျာ၊ ဒီကောင်တွေဟာ တော်ရုံရက်စက်တာမဟုတ်ပါဘူး။ သူတို့ဟာ အခုကိစ္စကျမှ သူတိုရဲ့ဒေါသကို အနှိုးဆွခံရပြီး စိတ်လိုက်မာန်ပါတွေ လျောက်လုပ်နေတာ၊ ရှက်ရမ်းရမ်းနေတာ မဟုတ်ဘူးဗျ။ သူတို့မှာ လူထုအပေါ် ဒီလို မတရားမညှာတာ ရက်ရက်စက်စက်လုပ်ဖို့ဆိုတာဟာ ဗမာနိုင်ငံမှာ စစ်အုပ်စုရယ်လို့စပေါ်လာကတည်းက သူတို့ခေါင်းထဲမှာရှိခဲ့တဲ့ အတွေးအခေါ်ဖြစ်တယ်။ သူတို့ရဲ့ဒီအတွေးအခေါ်ကို ဗိုလ်နေ၀င်းက အာဏာတက် လာစဉ်မှာ ‘ဓားဓား ချင်း၊ လှံလှံချင်းရင်ဆိုင်မယ်’ လို့ကြေငြာပြီး ပလ္လင်ပေါ်က အဆင်းကျတော့‘စစ်တပ်က မှန် အောင်သေအောင်ပစ်တယ်’ လို့ ကျိန်စာတိုက်တာနဲ့ ဖော်ပြခဲ့တယ်။ ဆိုလိုတာက ဒါဟာသူတို့ရဲ့ အသွေးထဲအသား ထဲမှာ စိမ့်ဝင်နေတဲ့ အယူအဆဖြစ်တယ်။ သူတို့သေမှ ဒီအယူအဆနဲ့ လုပ်ဟန်ကိုစွန့်မှာ။
ကျနော်တို့ ပြည်သူတွေဟာ ဒီလိုကောင်မျိုးတွေကို ရင်ဆိုင်နေရတာပါ။ (ဒါနဲ့များတောင် တချို့လူတွေက ဗမာပြည်ကလူတွေ ကြောက်နေကြတယ်၊ အကြောက်တရားက ဖိစီးခြင်းခံနေရတယ် ဆိုတာမျိုးပြောကြသေး တယ်ဗျ)။
ခင်ဗျားစဉ်းစားကြည့်ပါ ရဲဘော်ကြီးရယ်။ အိမ်မှာနေတော့ ရိုက်ပြီးဖမ်းတယ်၊ လမ်းပေါ်ထွက်တော့ သေနတ်နဲ့ ပစ်တယ်။ ဒီလောက်ယုတ်မာရမ်းကားနေမှတော့ လူတွေအနေနဲ့ သည်းခံနိုင်စွမ်းတွေ ကုန်းဆုံးယုံမက ရရာ လက်နက်နဲ့ ပြန်ချချင်စိတ်တွေ ပေါ်တာဆန်းသလားဗျာ။ သူများမပြောနဲ့၊ ပြည်ပမှာနေပြီး အင်တာနက်သတင်းတွေကို ဖတ်နေရတဲ့ ကျနော်တို့ ခင်ဗျားတို့ကိုယ်တိုင်တောင်မှပဲ လက်ထဲရှိတဲ့ မောက်စ်ကိုကိုင်ပြီး မော်နီတာပေါ်က စစ်သားတွေပုံကို ပစ်ပေါက်ချင်တဲ့ ဆန္ဒတွေပေါ်လာတယ်မဟုတ်လား။ တကယ်လို့သာ အနီးအနားမှာ လက်နက်လွယ်လွယ်ရနိုင်ရင် လက်နက်ကိုင် ပုန်ကန်မှုအမျိုးမျိုးပေါ်ပေါက်တာ ကြာလှရော့မယ်၊ ဆိုလိုတာက အခု လိုဖြစ်နေမှတော့ ပြည်သူတွေဘက်က ဘာပဲလုပ်လုပ် တရားတယ်ဆိုတာပဲ ရောင်းရင်းကြီးရေ့။ ဒီကောင်တွေကို ခဲနဲ့ပြန်ပေါက်၊ တုတ်နဲ့ပြန်ရိုက်လည်းတရားတယ်၊ ချောင်းရိုက်၊ ချောင်း ထုတာလဲတရားတယ်။ သေနတ်ရှာတွေ့လို့ သေနတ်နဲ့ပြန်ပစ်၊ လက်လုပ်ဗုံးနဲ့ထုရင်လည်း ကျနော်တော့ လက်ခုပ်တီးမယ်ဗျာ။
ပြည်သူတွေကို ဒီလိုလုပ်အောင်တွန်းပို့နေတာဟာ အုပ်စိုးသူတွေဖြစ်တယ်။ လမ်းပေါ်လျှောက်နေသူကို သေနတ်ကိုင်စေတာဟာ အုပ်စိုးသူပဲ။ ဒီအချက်ကို ဒီနေ့ဗမာပြည်အဖြစ်အပျက်က ထပ်ပြီးအတည်ပြုပေးတယ် လို့ပဲ ပြောရမယ်။ ဒါဟာသမိုင်းနဲ့ဆိုင်တဲ့ မှတ်တမ်းတင်ရမယ့် အရေးကြီးတဲ့အချက်ပဲ။
နောက်ဆုံးအနေနဲ့တော့ ကျနော်ပြောရဲတယ်ဗျာ ကိုဟိုဒင်း၊ ကျနော်တိုနိုင်ငံမှာ သသနာတည်မြဲတယ်ဆိုရင် ဒါဟာ ဗိုလ်သန်းရွှေတို့က ပုဂံမှာ မျှော်စင်ကြီးဆောက်တဲ့ ကုသိုလ်မျိုးကြောင့် လုံးဝမဟုတ်ဘူး။ ဟောဒီလို မျက်ရည်အသွယ်သွယ်နဲ့ လက်အုပ်ချီနေတဲ့ ဒါယိကာ ဒါယိကာမတွေရဲ့ အကြားမှာ သေနတ်ပြောင်းတွေရှိရာကို မေတ္တာသုတ်ရွတ်ရင်းကြွချီသွားကြတဲ့ သံဃာတော် အရှင်သူမြတ်တွေကြောင့်ပဲဗျ။
ဘယာဘေး ကွာဝေးကြပါစေ။
ယာတောက သာဗြော
အနုပညာသမားဆိုတာ ပြည်သူ့အတွက် သူကတော့ အစစ်အမှန်ပဲ
ကိုဇာဂနာရဲ့ဖေါ်ပြချက် - ၀တ်ပြထားတာ အပေါ်မှာ shrit အကောင်းစားနဲ့  ရွှေဆွဲကြိုး ၅ ကုံး လက်တွေ မှာ လက်စွပ်အပြည့်ဝတ်ပြီးတော့ အောက်မှာတော့ ဘောင်းဘီက စုတ်ပြတ်ပြီး ဖင်ကလဲပေါက်နေသေးတယ်။ အပေါ်ပိုင်းကတော့ ချမ်းသာပါရဲ့ အောက်ပိုင်းကတော့ စုတ်ပြတ်နေတာဘဲဆိုပြီး နအဖတွေ ချမ်းသာနေပြီး ပြည်သူတွေဆင်းရဲနေတာကို သရုပ်ဖေါ်ပြလိုက်ပါတယ်။
ကိုနစ်နေမန်းမှ
အာဏာရှင်ကိုဖြုတ်ချမယ့် အာဂသတ္တိခဲမလေး
ရန်ကုန်ဆန္ဒပြပွဲများတွင် စုစုနွေး ပါဝင်ရန် နေအိမ်မှ စတင်ထွက်ခွာကြောင်း ဒီမိုကရက်တစ် မြန်မာ့အသံမှ စုစုနွေး အင်တာဗျုးနှင့် ယခု တိုက်ရိုက်အသံလွှင့်သွားသည်။
ဘယ်လိုလိမ်အုံးမလို့တုန်း တကျပ်နဲ့ ပြားတရာ ဘာမှမထူးပါဘူးဗျာ
ပန်းဆိုးတန်းလမ်း ကုန်းးတံတားကို ဖြတ်ပိတ်ထားပါတယ်။ ဗန္ဓုလလမ်းကို လသာအထိပဲသွားလို့ရပါတယ်။ ဆူးလေဘက်ကိုပိတ်ထားပါတယ်။ လူများကစုလာလိုက် စစ်သားများက ကားပေါ်ကသေနတ်ဖြင့်လိုက်ချိန်လိုက်၊ လူများကထွက်ပြေးလိုက်ပြီးတော့ ပြန်စုလာလိုက်နဲ့  ဖြစ်နေပါတယ်။ စောစောကပြောခဲ့သလို စစ်တပ်အနေနဲ့  ခြိမ်းခြောက်ပြတာဘဲ တွေ့ မြင်ရပါတယ်။ ပြစ်ခတ်မှု လုံးဝ မရှိပါ။ ကုသမဂ္ဂကိုယ်စားလှယ်ကို မောင်အေးက လက်ခံတွေ့ ဆုံမယ်လို့ သိရပါတယ်။ ကုလသမဂ္ဂကိုယ်စားလှယ်ရှိနေလို့  ပြစ်မိန့် လုံးဝ မပေးတာလို့  တိကျစွာ ကြားသိရပါတယ်။
ဘယ်သူခွဲခွဲဒို့မခွဲ ဒို့ဟာဒို့ကွဲမည်
သတင်းများအရ - ယခုအခါ သန်းရွှေနှင့် မောင်အေးတို့  အားပြိုင်နေပြီး၊ စစ်တပ်တွင် နှစ်အုပ်စု သေချာစွာ ကွဲနေပြီဖြစ်ကြောင်း၊ သန်းရွှေဘက်တွင် အောင်သောင်း၊ မောင်သောင်း၊ ကျော်ဆန်း၊ မောင်ဦးနှင့် သိန်းဇော်တို့ ပါဝင်သွားကြောင်း။ စစ်ဗိုလ်များမှ သန်းရွှေအမိန့် နာခံလိုသူနှင့် မောင်အေးအမိန့် နာခံလိုသူ ကွဲလာနေပြီဖြစ်ကြောင်း၊ ဗိုလ်မျူးချုပ်တစ်ဦးအဆိုအရ ပြည်သူပိုင်ပစ္စည်းများကို ဖျက်ဆီးခြင်းမှအပ လုံးဝပြစ်ခတ်မှုမလုပ်ရန် မောင်အေးမှ အမိန့် ပေးထားကြောင်း၊ ဒါကို သန်းရွှေအမိန့် ကိုနာခံသောအုပ်စုမှ လုံးဝမကျေနပ်ကြောင်း စသဖြင့် သိရှိရပါသည်။ ထို့ ကြောင့် ဆန္ဒပြသူများအနေဖြင့် စစ်တပ်အား သိမ်းကြုံးပြီးဆဲဆိုတာမျိုး လုံးဝမလုပ်ဘဲ၊ မကျေနပ်လျှင် သန်းရွှေနှင့် နောက်ပါ ၀န်ကြီးများကိုသာ ခွဲခြားပြောဆိုသင့်ကြောင်း အဆိုပါ ဗိုလ်မှူးချုပ်မှာ ပြောကြားကြောင်း သိရပါသည်။
တလိမ် နှစ်လိမ်ပွေလိမ်ရှုပ်မယ်တဲ့ သူလေပြင်
နအဖမှ တစ်နေ့ ညမှ စစ်တပ်ဖြင့်ဝင်ရောက်ဖျက်ဆီးခဲ့သော ငွေကြာယံ ဘုန်းကြီးကျောင်းတိုက်အား နှစ်ရက်အတွင်း အပျက်အစီးများကို အမြန်ပြန်ပြင်ခဲ့ကြောင်း သိရပါတယ်။ ကုလသမဂ္ဂကိုယ်စားလှယ်က သွားရောက်စစ်ဆေးချင်ရင် ညာပြီး ပြဖို့ ဖြစ်တယ်လို့  သိရပါတယ်။
ဖမ်းမှာပဲ ဖမ်းမှာပဲ ငါ့ကိုလာမတားနဲ့
ဆန္ဒပြပွဲကတော့ ဖရေဇာလမ်းတစ်လျှောက်မှာဖြစ်တယ်။ ဘုန်းကြီးလမ်းမှာဖြစ်တယ်။ ဒီနေ့ မြို့တော်ခမ်းမရှေ့က ဖြတ်တဲ့လူမှန်သမျှကို စစ်ဆေးတယ်။ မသင်္ကာရင် ဖမ်းတယ်။ ဖရေဇာလမ်းပေါ်က သော့ပြင်တဲ့ ကုလားကို တောင်ဖမ်းတယ်။
ကိုနစ်နေမန်းမှ
အထွေထွေသပိတ် တနင်္လာနေ့မှာ စတင်မယ်
ဘာသာသာသနာနဲ့ လူမျိုးကို ရမ်းကားယုတ်မာနေတဲ့  နအဖကို သင်တို့  လက်တွေ့  မြင်နေကြတယ်။ တနင်္လာနေ့ မှာ အထွေထွေအလုပ်သမားသပိတ်စမယ်။ ပြည်သူ့ သစ္စာကိုစောင့်သိတဲ့ ပြည်သူဝန်ထမ်းဖြစ်ပါစေ။ နအဖရဲ့ စက်ယန္တယားမှန်သမျှကို ရပ်တန့် ဖို့  အလုပ်ရုံး စက်ရုံအလုပ်ရုံတွေကို မသွားကြဖို့။ စက်တင်္ဘာမှာ ဘုန်းဘုန်းတို့ က ဦးဆောင်ပြီး စခဲ့တယ်၊ အခု ပြည်သူတွေ ပါလာကြတယ်။ ဒီတော့ ပြည်သူ့  ၀န်ထမ်းတွေ အားလုံး “အောက်တိုဘာ အထွေထွေအလုပ်သမားသပိတ်” စမယ်ဗျို့ ။
ကိုနစ်နေမန်းမှ
Friday, September 28, 2007
စက်တင်္ဘာလ ၂၈ ရက်၊ ၂၀၀၇ ခုနှစ်။
ထိပ်ပိုင်းကွဲပြီ
မြန်မာစံတော်ချိန် ၁၉း၁၀ (သတင်းလွှင့်တင်ချိန်)
ပန်းဆိုးတန်းနဲ့ တရုတ်တန်းမှာ ဆန္ဒပြသူများ အရိုက်ခံရ
မြန်မာစံတော်ချိန် ၅ နာရီ (သတင်းရယူချိန်)
ရန်ကုန်မြို့လယ် ပန်းဆိုးတန်းနှင့် တရုတ်တန်းတွင် ယနေ့ညနေ ၃ နာရီခွဲခန့်က ဆန္ဒပြ လူအုပ်ကြီးကို စစ်တပ် ဦးဆောင်သည့် ကြံ့ဖွတ်၊ စွမ်းအားရှင်များနှင့် ထောင်ထွက်များက တုတ်များဖြင့် ဝိုင်းဝန်း ရိုက်နှက်ခဲ့ရာတွင် လူများစွာ သေဆုံးသည်ဟု ဒေသခံများအကြား ခန့်မှန်း ပြောဆိုနေကြပြီ ဖြစ်သည်။
ဆန္ဒပြပွဲတွင် ပါဝင်ခဲ့သူတဦးက …
“ကျနော်လေ ဆူးလေကနေ နေ့လည် ၂ နာရီလောက်ကနေ ပြန်လာတာပါ။ အခြေအနေ မကောင်းလို့။ အခြေအနေ မကောင်းလို့ဆိုတာက အဲဒီမှာ ကြံ့ခိုင်ဖွံ့ဖြိုးရေးတွေ၊ ထောင်က ထွက်လာတဲ့ကောင်တွေလေ။ ထောင်က ထွက်လာတဲ့ကောင်တွေက သိတဲ့အတိုင်းပဲ မနေ့ကလည်းပဲ ကား ၄ စီးလောက် လာချသွားတယ်လေ။ အဲမှာ ကျနော်ကြည့်လိုက်တဲ့ အခါကျတော့ ဒီကောင်တွေကလည်း လက်တွေ၊ ခြေထောက်တွေမှာ ပွစိစိ၊ ဖောယောင်နေတာ။ ထောင်ထဲမှာ သိတဲ့အတိုင်းပဲ လုံးတီးဆန်စားထားတဲ့ ကောင်တွေလေ။ အဲကောင်တွေကလည်းပဲ နောက်ဘက်မှာ လွယ်အိတ်လေးတွေလွယ်ပြီးတော့ အထဲမှာ ဂျင်ကလိတို့၊ လေးခွတို့ ပါတယ်ထင်တယ်။ စစ်တပ်က နောက်ကနေပြီး လူတွေကို လိုက်ချက်နေတာ ကျနော်တို့ကလည်း လိုက်ချက်နေရတယ်။
အခုပဲ လမ်း ၄ဝ က တယောက်က လှမ်းဖုန်းဆက်တယ်။ ပန်းဆိုးတန်း ကုန်းပေါ်မှာ သွေးတွေ အများကြီးပဲ အိုင်ထွန်းနေတာပဲတဲ့။ တရုတ်တန်းမှာလည်း ပစ်လို့ အကုန် ထွက်ပြေးနေကြတယ်။ စစ်တပ်က ပစ်တာဗျာ။ ပထမတုန်းက ဆူးလေလောက်ကနေ ပန်းဆိုးတန်း၊ နောက် ပန်းဆိုးတန်း ကျော်ကျော်လောက်ကနေ လူတွေက ဘားလမ်းလောက်ထိပေါ့နော်။ လှည့်ပတ်ပြီးတော့ သွားတဲ့အခါကျတော့ ပန်းဆိုးတန်းမှာ တွေ့တဲ့သူတွေ အကုန်လုံးကို သေနတ်နဲ့ ပစ်တာထက် အသံတိတ်ရိုက်နေတာဗျ။ စွမ်းအားရှင်တွေကလည်း သံတုတ်တွေနဲ့ ရိုက်နေတာ အသံတိတ် ရိုက်နေတာ။ သေနတ်သုံးတာထက် အသံတိတ် ရိုက်သတ်နေတာဗျာ။ ဖြစ်တဲ့အချိန်က ၃ နာရီခွဲ လောက်မှာဗျ။
လူတွေက ၁၇ လမ်းတို့၊ တရုတ်တန်းတို့ကို အကုန် ထွက်ပြေးနေကြတာ။ လမ်းမတော် လမ်းတလျှောက်မှာတော့ စစ်တပ်ကတွေ အကုန်ပိတ်ထားတာ။ လူအသေအချာတော့ သေချာမသိဘူးဗျာ။ ဒီဖြစ်ရပ်မှာတော့ လူက ရာနဲ့ချီသေတယ်။ ရာနဲ့ချီပြီး သေသွားပါပြီ။ ဖမ်းထားတာတွေ ကတော့ ထောင်ဂဏန်းလောက် ရှိမယ်။ အင်းစိန်ထောင်တောင် မဆန့်လို့ လူတွေကို ဂျီတီအိုင်ကျောင်းထဲ ပို့ထားတယ်လို့ ကြားတယ်။
၂၈၊ ၉၊၂၇၇၀
မနေ့က ဆင်မလိုက်နားက အစိုးရ သစ်စက်က အလုပ်သမားက စစ်တပ်ကို ဓာတ်ဆီပုလင်းနဲ့ လှမ်းပစ်လို့ စက်သေနတ်နဲ့ ရမ်းရာ လူ၂ယောက် ကျည်ထိသေဆုံး၊ ထိုတပ်နဲ့ အဆက်အသွယ်ရှိသူက အချိုသတ် စုံစမ်းလို့ ယခု သတင်းရရှိ
Subscribe to:
Posts (Atom)
