စစ်သားနဲ့ စစ်တပ်ရဲ့အဓိကတာဝန်ကဘာလဲဆိုတာ မမေ့သင့်ဘူး။ မေ့နေရင် ပြောပြမယ်။ စစ်တပ်နဲ့စစ်သားရဲ့ အဓိကတာဝန်ကတော့ ကိုယ့်တိုင်းပြည်ကို တိုင်းတပါးရန်က အသက်ပေးကာကွယ်ဖို့ပါ။ ဒီလိုကိုယ့်လူထုကို သေနတ်ပြပြီးရိုက်ဖို့ မဟုတ်ဘူး။ သေနတ်ကိုင်ထားပြီးမှ ကိုယ့်လူထုကို ကိုယ်ပြန်ရိုက်ရဲတဲ့သတ္တိမျိုး စစ်သားမပြောနဲ့ ကလေးတောင် အဲလိုသတ္တိမျိုးရှိတယ်။

Tuesday, October 9, 2007

လာလာချေသေး ..... လိမ်ဆင်လေးတွေ

လာလာချေသေး ..... လိမ်ဆင်လေးတွေ
ဤသတင်းကို နအဖ၏၀ါဒဖြန့်ချိရေး မြန်မာ့အလင်းသတင်းစာမှ ကူးယူဖြော်ပြသည့် ကိုနစ်နေမန်းမှ တဆင့်ပြန်လည်ကူးယူဖော်ပြထားခြင်းဖြစ်သည်။ ၎င်းမူရင်းကိုအောက်တွင် ဖတ်ရှုနိုင်ပါသည်။
ရှေ့ဖုံးမှ
အဆိုပါ သြ၀ါဒခံယူပွဲသို့ရန်ကုန်တိုင်း သံဃာ့နာယကအဖွဲ့ (ဂိုဏ်းပေါင်းစုံ) မှ ဆရာတော်ကြီးများ ကြွရောက်တော်မူကြပြီး ရန်ကုန်တိုင်းအထွေထွေအုပ်ချုပ်ရေး ဦးစီးဌာနညွှန်ကြားရေးမှူး ဦးလှစိုးနှင့် ခရိုင်အထွေထွေအုပ်ချုပ်ရေးမှူါ်များ၊ ရန်ကုန်တိုင်းသာသနာရေးမှူး ဦးစိုးနိုင်နှင့် ခရိုင်သာသနာရေးမှူးများ၊ ရန်ကုန်တိုင်း လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနမှူး ညွှန်ကြားရေးမှူး ဦးလှဒေါင်း နှင့် ခရိုင်ဦးစီးမှူးများတက်ရောက်ကြသည်။
ရှေးဦးစွာ သြ၀ါဒခံယူပွဲကို နမောတသသုံးကြိမ်ရွတ်ဆိုဘုရားကန်တော့၍ ဖွင့်လှစ်သည်။ ထို့နောက် ရန်ကုန်တိုင်းအထွေထွေ အုပ်ချုပ်ရေးဦးစီးဌာန ညွှန်ကြားရေးမှူး ဦးလှစိုးက သာသနာရေးဆိုင်ရာများ လျှောက်ထားရာတွင် ရိုသေလေးမြတ်စြွ လျှေက်ြထားအပ်ပါသည် ဆရာတော်အရှင်မြတ်တို့ဘုရား။
မကြာသေးမီက ရန်ကုန်တိုင်းအတွင်း မြို့အချို့တွင် သံဃာအချို့နှင့် လူပုဂ္ဂိုလ်အချို့ကြောင့် အကြမ်းဖက် ဆူပူမှုများ ဖြစ်ပွားခဲ့ပါသည်ဘုရား။ ဆူပူရာတွင် မပါဝင်သည့် ဘုန်းတော်ကြီးကျောင်းများကို ခြိမ်းခြောက်ခြင်း၊ လူအုပ်စုဖြင့်ဝိုင်း၍ ရေသန့်ဘူးများဖြင့် ပစ်ပေါက်စော်ကားခြင်းအပါအ၀င် ဆရာတော်မထေရ်ကြီးများကိုပင် ကိုယ်ထိ လက်ရောက် ပစ်မှားကျူးလွန်မှုများလည်း ဖြစ်ပွားခဲ့ပါသည်ဘုရား။


တားမြစ်

ထို့ကြောင့် သာသနာရေးဝန်ကြီးဌာန၀န်ကြီးက ၂၀၀၇ စက်တင်္ဘာ ၂၄ ရက်တွင် နိုင်ငံတော်သံဃာ့မဟာ နာယကအဖွဲ့ထံ ဖြစ်ရပ်မှန်များ လျှောက်ထားတင်ပြ ခဲ့ပါသည်ဘုရား။ နိုင်ငံတော်သံဃာ့မဟာနာယကအဖွဲ့က ၎င်းနေ့မှာပင် ညွှန်ကြားချက်လွှာအမှတ် (၉၃) ကို ထုတ်ပြန်၍ ၀ိနည်းသိက္ခာပုဒ်နှင့် မညီသော အမူအကျင့်များကို တားမြစ်ခဲ့ပါသည်ဘုရား၊
အမိန့်ဖီဆန်
ရန်ကုန်တိုင်းအထွေထွေအုပ်ချုပ်ရေးဦးစီးဌာနကလည်း ရန်ကုန်တိုင်းအတွင်းရှိ လိုအပ်သောမြို့နယ်များ၌ ပုဒ်မ ၁၄၄ ကို စက်တင်္ဘာ ၂၅ ရက်တွင် ထုတ်ပြန် ခဲ့ပါသည်ဘုရား။ စက်တင်္ဘာ ၂၆ ရက်မှစ၍ နိုင်ငံရေးပါတီတခုနှင့် အခြားဆူပူမှုကို ဖန်တီးလိုသော ၈၈ မျိုးဆက်ဆိုသူပုဂ္ဂိုလ်မျး၏ စည်းရုံးသိမ်းသွင်းသွေး ဆောင်ခြင်းကိုခံထားရသည့် သံဃာတော်အချို့ ဆူပူမှုကိုဖန်တီးရန် ကြိုတင်မြှုပ်နှံထားသော သင်္ကန်းဝတ်အချို့နှင့်လူပုဂ္ဂိုလ်အချို့ ခေါင်းဆောင်ပါဝင်ခဲ့သော ဆူပူ လိုသူများသည် တရားသဖြင့် ထုတ်ပြန်ထားသော အဖိန့်ကိုဖီဆန်ကာ လူစုလူဝေးဖြင့် ဆူပူအကြမ်းဖက်မှုများကို ဆောင်ရွက်ခဲ့ပါသည်ဘုရား။

ကြိုးပမ်း
သို့ပါ၍ ရန်ကုန်တိုင်းအတွင်းရှိ ရပ်ရွာအေးချမ်းသာယာရေးနှင့် တရားဥပဒေစိုးမိုးရေးကို တာဝန်ယူရသော လုံခြုံရေးတပ်ဖွဲ့ဝင်များက ဥပဒေနှင့်အညီ စနစ်တကျ ထိန်းသိမ်းခဲ့ရာ အကြမ်းဖက်လူစုလူဝေးက လူအင်အားသုံးပြီး လက်နက်များကိုလုယူရန်အထိ ကြိုးပမ်းအားထုတ်ခဲ့ပါသည်ဘုရား။

လိုက်နာ
ဤနေရာတွင် ထည့်သွင်းလျှောက်ထားလိုသည်မှာ နိုင်ငံတော်အတွင်းမှီတင်းနေထိုင်ကြကုန်သော လူ ပုဂ္ဂိုလ်သော်လည်းကောင်း၊ သာသနာ့ဝန်ထမ်းသော်လည်းကောင်း၊ နိုင်ငံတော်ကထုတ်ပြန်သည့် တရားဥပဒေ များကို လိုက်နာကြရမည်ဖြစ်ပါသည်ဘုရား။

မလွှဲမရှောင်သာ
မြေပြင်သတင်း မျက်မြင်တွေ့ရှိချက်နှင့် အခြားသော အထောက်အထားများအရ ဆူပူမှုကိုဖန်တီး ဦးဆောင်ခဲ့သော ဆူပူမှုတွင်ပါဝင်ခဲ့သော ဦးဂမ္ဘီရ၊ ဦးဝိစိတ္တ၊ ဦးသြဘာသ၊ ဦးပါကဋ၊ ဦးကောဝိဒ၊ ဦးဥတ္တရ၊ ဦးခန္တီ၊ ဦးကုသလ၊ ဦးအဂ္ဂ၀ံသ၊ ဦးနေမိန္ဒ၊ ဦးဉာဏတဇ၊ ဦးဥတ္တမ၊ ဦးသညိန္ဒ၊ ဦးဇနိန္ဒ၊ ဦးကုသလ၊ ရှင်ကန္ဒေရ၊ ဦးဝဏ္စသာရ၊ ဦးတေဇနိယ၊ ဦးကောဏ္ဏည၊ ဦးဇဋိယ၊ ဦးစန္ဒာဝရ၊ ဦးကေ၀လ၊ ဦးသောမန၊ ဦးအာစိတ္တ၊ ဦးပညာဇောတ၊ ဦးကောသလ္လ၊ ဦးပညာဝံသ၊ ဦးနန္ဒောဘာသနှင့် ဦးစဋိလဆိုသူတို့ သီတင်းသုံးရာ တောင်ဥက္ကလာပမြို့နယ် ငွေကြာယံပရိယတ္တိစာသင်တိုက်၊ ဓမ္မဇေယျကျောင်းတိုက်၊ ရွှေတောင်မော်ကျောင်းတိုက်၊ စတိလရာမ ကျောင်းတိုက်၊ တာမွေမြို့နယ်မှ ဓမ္မသုခကျောင်းတိုက်၊ ရန်ကင်းမြို့နယ်မှ မိုးကောင်းကျောင်းတိုက်၊ သင်္ဃန်းကျွန်းမြို့နယ်မှ မဂ္ဂင်ကျောင်းတိုက်၊ ကျောက်စာတော်အရှေ့ကျောင်းတိုက်၊ ပညာတံခွန်ကျောင်းတိုက်၊ ဓမ္မဝေပုလ္လကျောင်းတိုက်၊ ရွှေကျင်တိုက်သစ်ကျောင်းတိုက်၊ ဗိုလ်တထောင်မြို့နယ်မှ မင်္ဂလာရာမ ကျောင်းတိုက်၊ ပညာရာမိကကျောင်းတိုက်၊ ဗဟန်းမြို့နယ်မှ သာသနာ့သိပ္ပံကျောင်းတိုက်၊ သာသနာ့ဂုဏ်ရည်ကျောင်းတိုက်၊ ဒဂုံအရှေ့ပိုင်းမြို့နယ်မှ တက္ကသီလာ ဇေယသိဒ္ဓိပဠာန်း ကျောင်းတိုက်၊ စသည့် ဘုန်းကြီးကျောင်းစုစုပေါင်း ၁၈ ကျောင်းကို လုံခြုံရေးတပ်ဖွဲ့ဝင်များက မလွှဲမရှောင်သာ ရှာဖွေမှုများ ပြုလုပ်လာရပါသည်ဘုရား။

ဝမ်းနည်းဖွယ်ရာ
ရှာဖွေစစ်ဆေးမှုပြုလုပ်ခဲ့သည့် ကျောင်းများအနက် အချို့ကျောင်းများတွင် ရဟန်းသံဃာတော်များနှင့် မအပ်စပ်သည့်မာတုဂါမများနှင့် တမိုးတယံတည်းအတူ နေထိုင်ခြင်း၊ ဆင်ဆာမဲ့ညစ်ညမ်းဗွီစီဒီ ၄၂ ချပ်၊ ညစ်ညမ်းဒီဗွီဒီတချပ်၊ ညစ်ညမ်းရုပ်ပုံစာအုပ်သုံးအုပ်၊ ညစ်ညမ်းပိုစတာနှစ်ခု၊ ညစ်ညမ်းဓာတ်ပုံလေးပုံ၊ ကာမသိဒ္ဒကျမ်းတစ်အုပ်၊ အမျိုးသမီးဓာတ်ပုံတပုံ၊ ကွန်ဒုံး ၁၀ ခု၊ ကွက်လပ်ဖြည့်ပါအားဆေးတစ်ထုပ်၊ ရော်ဘာလိင်တံတု (ခါးပတ်ပါ)တစ်ခု၊ ဖို/မ ဖက်ထားသည့် အဆောင်ရုပ်တုတစ်ခု၊ အမျိုးသမီးလုံချည် ၁၃ ထည်၊ အမျိုးသမီးအတွင်းခံဘောင်းဘီရှစ်ထည်၊ အမျိုးသမီးလက်ကိုင်အိပ်တစ်ခု၊ ရည်းစားစာ၊ ရေမွှေး၊ အလှဆီ သုံးပုလင်း၊ ပုဆိုးများ၊ တီရှပ်များ၊ ဂျင်းအင်္ကျီများ၊ ကော့လက်ဖုန်းနှစ်လုံး၊ ချေးငွေစာချုပ် သုံးစောင်၊ ရိုးလက်စ်ကျားပတ်နာရီတလုံး၊ အရက် ၁၀ ပုလင်း၊ ၉ မမ ကျည်တတောင့်၊ ဓားမျိုးစုံ ၁၈ လက်၊ သစ်သားနံချပ်ကူ သုံးချေင်း၊ ပုဆိန်တလက်၊ သစ်သားလက်ကိုင်ဒုတ် ခြောက်ခု၊ သံချောင်း တစ်ချောင်း၊ လေးခွ ၁၃ ခု၊ လောင်းကြေး အကြွေးစားရင်းပါ စာရွကစာတမ်းများ၊ ဘောလုံပွဲ ပွဲစဉ်ပါ စာအုပ် ၃၀ နှင့် ဘောလုံးပွဲလောင်းကစားရာတွင် အသုံးပြုသည့် စာရွက်စာတမ်းများ၊ နှစ်လုံး သုံးလုံး ချဲထီလောင်းကစားရာတွင်အသုံးပြုသည့် စာရွက်စာတမ်း၊ လယ်ဂျာ၊ ဖြတ်ပိုင်းစာအုပ်များ၊ ဖဲသုံးထုပ်၊ သွေးမော်ကွန်းခေါင်းစဉ်ပါ ဆန့်ကျင်စာကဗျာတစ်ပုဒ်၊ ညီညွတ်ကြလျှင်ခေါင်းစဉ်ပါ လှုပ်ဆော်စာတစ်ရွက်၊ မြန်မာနိုင်ငံလုံးဆိုင်ရာ ရဟန်းပျိုသမဂ္ဂအဖွဲ့ချုပ်စာရွက် သုံးရွက်၊ (၁၈၊ ၉၊ ၂၀၀၇) ရက်စွဲပါ မြန်မာနိုင်ငံလုံးဆိုင်ရာ ရဟန်းပျို သမဂ္ဂအဖွဲ့မှ နိုင်ငံတော်အစိုးရထံ တောင်းဆိုထားသောစာများရေးသားထားသည့် ဒိုင်ယာရီစာအုပ်တစ်အုပ်၊ အင်န်အယ်ဒီ သတင်းမှတ်တမ်းမိန့်ခွန်းစာရွက်စာတမ်းများ၊ ခွပ်ဒေါင်းရင်ထိုးတံဆိပ်တခု၊ ၈၈ မျိုးဆက်သစ်အဖွဲ့၏ ဝါဆိုသင်္ကန်းကပ်ဖိတ်စာများ၊ နာဇီခေါင်းစည်းတခု၊ အမေရိကန်ခေါင်းစည်းနှစ်ခုတို့ ရှာဖွေတွေ့ရှိခြင်းကို ၀မ်းနည်းဖွယ်ရာ ကြုံတွေ့ရပါသည်ဘုရား။

စိစစ်နေဆဲ
ဘုန်းတော်ကြီးကျောင်းများကို ရှာဖွေရာတွင် တွေ့ရှိခေါ်ဆောင်လာသူများအား လိုအပ်သော စစ်ဆေးမှု များပြုလုပ်ခဲ့ပြီးနောက် အောက်တိုဘာ ၅ ရက်အထိ ဥပဒေနှင့်ညိစွန်းမှုမရှိသည့်ရဟန်း ၄၀၄ ပါး၊ သာမဏေ တစ်ပါး၊ အမျိုးသား ၁၅၈ ဦးနှင့် အမျိုးသမီး ၃၀ တို့ကို ပြန်လည်စေလွှတ်ခဲ့ပြီးဖြစ်သည့် အတွက် ရဟန်း ၁၀၉ ပါးနှင့် အမျိုးသား ၉ ဦးတို့ကိုသာ ဆက်လက်စိစစ်နေဆဲ ဖြစ်ပါသညါဘုရား။

ပုဇွန်တောင်ချောင်း
ဆူပူမှုဖြစ်ဉ်တခုလုံးတွင် ရဟန်းတော်များ ထိခိုက်ပျံလွန်မှုများရှိသည်ဟု ပြည်ပမီဒီယာများနှင့် ဆူပူ သောင်းကျန်းသူအဖွဲ့များက လုပ်ကြံထုတ်လွှင့်ပြောဆိုမှုများ ရှိခဲ့ပါသည်ဘုရား။ အမှန်တကယ်အားဖြင့်မူ နိုင်ငံရေးပါတီဆိုင်ရာ ဆေးမင်ကြောင်းများထိုးထားပြီး လည်ပင်းတွင်သင်္ကန်းပတ်ထားသည့် ပုဇွန်တောင်ချောင်းအတွင်းတွေ့ရသော အလောင်းတလောင်းသာလျှင်ဖြစ်ပါသည်ဘုရား။
ထိုအလောင်းမှာ သင်္ကန်းပတ်ထားသည့် အတုလုပ်ထားသော အလောင်းတလောင်းသာဖြစ်ကြောင်း စစ်ဆေး ပေါ်ပေါက်ပါသည် ဘုရား။

ယုတ်မာသောအကြံ
ပြည်တွင်းပြည်ပအဖျက်သမားများသည် ၎င်းတို့အကျိုးဆိုလျှင် ဘာသာ သာသနာကိုတောင်မှ အလွတ်မပေးဘဲ ကျောင်းသင်္ခန်းများ၌ ပရိယတ်၊ ပဋိပတ် အားထုတ်သင်ယူနေသော သံဃာများကို သွေးထိုးမြောက်ပင့်ပြီး လမ်းပေါ်ထွက်အောင် ပို့ဆောင်ခဲ့သည်ကို တွေ့ရှိရပါသည်။ သာသနာတော်နှင့် လုံးဝအပ်စပ်ခြင်းမရှိ။ ဗုဒ္ဒဘုရားရှင်မကြိုက်၊ သူတော်ကောင်းများမနှစ်သက်သည့် အဖျက်အမှောင့် ဆူပူအကြမ်းဖက်မှုများကို လုပ်ဆောင်စေလျှက်ရှိပါသည် ဘုရား။

No comments: